7 tamyzda Almatydaǵy Balýan Sholaq atyndaǵy sport saraıynda aralas jekpe-jekten halyqaralyq týrnır ótedi. Oǵan respýblıkamyzdyń ár óńirinen jáne shetelden kelgen birqatar tanymal sportshylar qatysady, dep jazady Egemen.kz.
Maýsym aıynyń sońynda Shymkentte otandyq «Alash Praıd» klýbynyń muryndyq bolýymen 66,1 kılo salmaq dárejesindegi saıypqyrandar arasynda Gran-prı dodasy uıymdastyrylǵan bolatyn. Sol básekede qazaqstandyq Baqdos Oljabaı men qyrǵyzstandyq Ádilet Nurmatov qarsylas shaq keltirmeı, kalyń kórermenniń zor qoshemetine bólendi. Árıne, bul nátıjege eshkim tańdana qoıǵan joq. Sebebi, Baqdos ta, Ádilet te talaı dúbirli dodalarda daralanǵan dúldúlder. Ekeýi de ár jarysta qarsy shyqqandardy qoǵadaı japyryp keledi. Endi olar Alataý baýraıynda ózara kúsh synasyp, aıtýly uıymnyń altyn belbeýin sarapqa salady. Osy aıqasta asyǵy alshysynan túsken apaıtós «Alash Praıdtyń» chempıony atanady.
Sonymen qatar, Ǵalymjan Qanaev, Erasyl Shuǵataev, Samır Ahmedov, Maqsat Esbolatov jáne taǵy basqa sportshylar oktogonǵa shyǵady. Al áıelder arasyndaǵy básekede Zamzágúl Faızolanova baq synaıdy.