Oblystyq polısııa departamenti baspasóz qyzmetiniń málimetinshe, 28 shildede saǵat 12:00 shamasynda 71 jastaǵy zeınetkerdi tonap ketken, dep jazady Egemen.kz.
«Belgisiz er adam zeınetkerdi jerge qulatyp, telefonyn tartyp alǵan. Sóıtip, oqıǵa ornynan boı tasalap, qashyp ketken. Tártip saqshylary jedel izdestirý is-sharasyn júrgizip, kúdikti azamatty ustady. Kúdikti Atyraý qalasynyń 29 jastaǵy turǵyny bolyp shyqty» dep habarlady departamenttiń baspasóz qyzmeti.
Qazir zeınetkerdi tonaǵan kúdiktige qatysty QR Qylmystyq Kodeksiniń 191-babynyń 1-bóligimen sotqa deıingi tergeý júrip jatyr. Kúdiktiden aıǵaq zat tárkilenip, ýaqytsha ustaý ızolıatoryna qamaýǵa alyndy.