Túrkistan oblysy PD Krımınaldyq polısııa qyzmetkerleri Keles jáne Saryaǵash aýdandary aýmaǵynda sıyr men jylqy urlaǵan qylmystyq topty ustady. Olar ótken jyldyń jeltoqsan aıynan beri alty ret mal urlap, aýyl turǵyndaryna jalpy kólemi 5 mıllıon teńgege jýyq shyǵyn keltirgen, dep Egemen.kz jazady Polisia.kz saıtyna silteme jasap.
Atalǵan jaıttardy polıseıler QR QK 188-1-baby (Mal urlyǵy) boıynsha SDTBT-ǵa tirkep, kúdiktilerdi izdeýge kiristi. Oblystyq polısııa departamentinde jedel-tergeý toby quryldy.
Jumsy barysynda sońǵy mal urlyǵy aǵymdaǵy jyldyń mamyr aıynda Keles aýdanynda jasalǵany anyqtaldy. Urylar túngi ýaqytta jergilikti turǵynnyń aýlasyna zańsyz kirip, eki bas jylqyny jymqyryp ketken. Osydan soń urlanǵan maldyń ıesi, aýdandyq polısııa bólimine aryzdanǵan. Jedel-izdestirý barysynda polıseıler Almaty qalasynan eki kúdiktini ustady. Al túrkistandyq jedel ýákilder qylmystyq toptyń úshinshi qatysýshysyn bir táýlik ishinde Nur-Sultan qalasynan ustady. Ustalǵandar Túrkistan jáne Almaty oblystarynyń turǵyndary bolyp shyqty. Olardyń bireýi buryn birneshe ret sotty bolǵan.
Kúdiktiler urlanǵan maldardy «Gazel» avtokóligimen Almaty oblysyna aparyp, Shymkent pen Nur-sultan qalasynyń turǵyndaryna satqan, al aqshany ózara bólisken.
Tártip saqshylary urlanǵan maldy satyp alýshylar men avtokólik júrgizýshilerin anyqtady. Aıǵaqty zat retinde urlanǵan úı janýarlarynyń bir bóligi jáne avtokólik tárkilendi.
Qazirgi ýaqytta atalǵan jaıt boıynsha sotqa deıingi tergeý amaldary júrip jatyr.