Atyraýda N.Tilendıev atyndaǵy kishi óner akademııasy bar. Akademııanyń 11-synyp oqýshysy Aslan Tilesov IT-tehnologııaǵa bet burǵan. Jaqynda ózi oılap tapqan QazHydrant jańa mobıldik qosymshasyn tanystyrdy.
– Men IT-tehnologııanyń erekshelikterin 8-synyptan beri zerttep kelemin. Bul jobany órt sóndirý qyzmetin ońtaılandyrý úshin daıyndadym. Jańa qosymshany daıyndaýǵa «Bilim-ınnovasııa» lıseıindegi zamandastarym Ábdikerim Nodıarov pen Ádiljan Salpekov kómek berdi. Qosymshany daıyndaýdaǵy maqsatym – órt sóndirýshilerdiń qyzmetin jedeldetýge qol ushyn sozý. О́ıtkeni órt sóndirý kezinde tótenshe jaǵdaı qyzmetiniń mamandary gıdranttardy taba almaı, ábigerge túsedi. Ásirese, túngi mezgilde tabý qıyn, – deıdi jańa qosymshanyń avtory Aslan Tilesov.
Oqýshynyń aıtýynsha, endi Google kartasynan Atyraý qalasyndaǵy barlyq gıdranttyń qaı jerde ornalasqanyn navıgasııalyq júıemen anyqtaýǵa múmkindik bar. Sol sebepten, órt sóndirýshiler mobıldik qosymshaǵa qyzyǵýshylyq tanytyp otyr.
– Bul qosymshanyń áli de jetildiretin tusy bar. Degenmen jaqynda jobany tolyqtyryp, iske qosý joldary qarastyrylady. Buǵan qosa, AstanaHub uıymdastyrǵan Smart City Accelerator baıqaýyna qatysyp, birinshi kezeńiniń irikteýinen óttim, – deıdi Aslan Tilesov.
Atyraý oblysy