Atyraýda ustalǵan medbıkeniń jalǵan vaksına pasportyn 10 myń teńgege satqany anyqtaldy, dep habarlaıdy Egemen.kz.
Oblystyq polısııa departamenti baspasóz qyzmetiniń málimetinshe, jalǵan vaksına pasportyn jasaǵan medbıke búgin, 31 shildede ustalǵan.
«Polıseıler oblystyq ákimdik jáne prokýratýra qyzmetkerlerimen birge jedel izdestirý is-sharasyn júrgizip, 40 jastaǵy medbıkeni ustady. Ol egov.kz aqparattyq júıesine «Covid-19» ınfeksııasyna qarsy vaksına alý týraly aqparatty naqty egilmegen adamdarǵa aqshalaı syıaqy úshin engizýmen aınalysqan. Kúdikti jalǵan aqparat engizý úshin 10 myń teńge alǵanyn moıyndady», dep habarlady departamenttiń baspasóz qyzmeti.
Qazir ustalǵan medbıkege qatysty QR Qylmystyq Kodeksiniń 206-babynyń 1-bóligimen sotqa deıingi tergeý júrip jatyr.