1 tamyz kúni Olımpıada oıyndarynda kúres túrlerinen básekeler bastalady. Jarystyń alǵashqy kúninde Tokıo bozkilemine grek-rım men áıelder kúresiniń sheberleri shyǵady, dep jazadyEgemen.kz UOK resmı saıtyna silteme jasap.
Qazaqstandyq balýandardyń alǵashqy qarsylastary anyqtaldy.
Alǵashqy jarys kúni 60 kelide el sapynan Meırambek Aınaǵulov (grek-rım kúresi) pen 76 kelide Elmıra Syzdyqova (áıelder kúresi) kúresedi.Meırambek Aınaǵulov pen Elmıra Syzdyqovanyń alǵashqy beldesýi Qyrǵyzstan balýandaryna qarsy ótedi. Meırambek tájirıbeli Jolaman Sharshenbekovpen kezdesse, Elmıra Aıperi Medetqyzymen kim myqtyny anyqtaıdy.
Jarystar Nur-Sultan ýaqytymen saǵat 08:00-de bastalady.