О́ńirdegi ınfeksııalyq stasıonarlarda 1 549 naýqas emdelip jatyr. Stasıonarlardaǵy júkteme 51,4%-dy qurap otyr, dep habarlaıdy Egemen.kz.
Oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, byltyrǵy naýryzdan beri 35 377 adam koronavırýs ınfeksııasyn juqtyrǵan.
«Qazir ınfeksııalyq stasıonarlarda 1 549 naýqas emdelip jatyr. Onyń ishinde 102 júkti áıel, jas bosanǵan 4 ana, 18 jasqa deıingi 13 bala bar. Atyraý qalasyndaǵy stasıonarlarda júkteme 72% (847 naýqas), aýdandardaǵy stasıonarlarda – 81% (392) Teńiz ken ornyndaǵy stasıonarda 23%-dy (310) qurady. Sońǵy 10 kúnde ınfeksııalyq stasıonarlarda jatqan naýqastar sany 24%-ǵa ósti», deıdi Ashan Baıdýálıev.