Jaqynda Aqtaý qalasy Polısııa basqarmasynyń kezekshi bólimine «LOTO-CLUB» býkmekerlik keńsesine belgisiz eki adamnyń qaraqshylyq shabýyl jasaǵandyǵy jóninde habarlama kelip tústi, dep habarlaıdy Egemen.kz mangystaumedia.kz saıtyna silteme jasap.
Olar kúzetshi men kassa qyzmetkerin pyshaqpen qorqytyp, kassadan 1 150 000 teńge aqsha qarajatyn urlap, oqıǵa ornynan boı tasalap ketken.
Atalǵan derek boıynsha QR Qylmystyq Kodeksiniń 192-babynyń 2-bóligi boıynsha sotqa deıingi tergeý bastaldy. Jedel-izdestirý sharalaryn júrgizý barysynda polısııa qyzmetkerleri Mańǵystaý oblysynyń eki turǵynyn anyqtap, ustady.
Mamandandyrylǵan tergeý sotynyń sanksııasymen ustalǵandarǵa qatysty «kúzetpen ustaý» túrindegi bultartpaý sharasy tańdaldy. О́zge aqparat tergeý múddesinde jarııa etilmedi.