Qyrǵyzstannyń burynǵy Prezıdenti Asqar Aqaev Bishkekke jetkizildi, dep habarlaıdy Egemen.kz.
Sputnik Qyrǵyzstan Ulttyq qaýipsizdik memlekettik komıtetiniń baspasóz qyzmeti eks-prezıdenttiń týǵan jerge jetkizilgeni týraly aqparatty rastaǵanyn jazdy.
– UQK qabyldaǵan sharalardyń nátıjesinde 2 tamyzda burynǵy Prezıdent Asqar Aqaev Bishkekke jetkizilip, birden vedomstvoaralyq tergeý tobyna tapsyryldy, – delingen habarlamada.
Asqar Aqaev 1991-2005 jyldary Qyrǵyzstan Prezıdenti boldy. Ol elde mıtıngiler bastalǵanda qyzmetinen ketti. 2005 jyldan bastap Reseıde turady.
2021 jyldyń shildesinde Asqar Aqaev pen Qyrǵyzstannyń taǵy bir eks-Prezıdenti Qurmanbek Bakıevke «Qumtór» altyn kenishin ıgerýde sybaılas jemqorlyqqa baılanysty izdeý jarııalanǵandyǵy belgili boldy.