Jýyrda Qyzylorda qalasynyń ákimi Ǵanıbek Qazantaev pen oblystyq máslıhat hatshysy Naýryzbaı Baıqadamov aımaq ortalyǵyndaǵy birneshe medısınalyq mekemelerge baryp, dárigerlermen kezdesti. Medısına qyzmetkerlerimen júzdesken shahar basshysy men máslıhat hatshysy emdeý mekemelerindegi birneshe máseleni nazarǵa aldy.
Kópbeıindi oblystyq aýrýhana janyndaǵy 7 650 sharshy metrdi quraıtyn avtoturaqqa kúrdeli jóndeý jumystary júrýde. Búginde aýmaq tegistelip, asfalt jabyndysy tóselip jatyr.
Al kópbeıindi qalalyq aýrýhanada qala basshysy men máslıhat hatshysyna mekemeniń bas dárigeri Baýyrjan Tólegenuly qazir 220 naýqas emdelip jatqanyn, qajetti jabdyqtardyń jetkilikti ekenin aıtty. Al aýrýhanadaǵy tapshy mamandardy syrttan shaqyrý kerek. Biraq olardy baspanamen qamtý qıyndyq týǵyzyp otyr. Bas dáriger aıtqan máseleni qala basshysy nazarǵa alatyn boldy.
Jańadan salynǵan 200 oryndyq modýldi juqpaly aýrýlar aýrýhanasynda oblystyq densaýlyq saqtaý basqarmasynyń basshysy Sábıt Pazylov búginde mekemeniń qujattaryn rásimdeý jumystary aıaqtalǵanyn jetkizdi.
– Zamanaýı úlgide salynǵan ǵımaratta naýqastardy emdeý úshin barlyq jaǵdaı jasalǵan. Epıdemııalyq ahýal ýshyǵyp turǵan qazirgi kezde ǵımaratty gazǵa qosyp, aınalasyn abattandyryp, apta ishinde ashylýyna bar kúshimizdi salamyz, – dedi qala ákimi Ǵanıbek Qazantaev.
Qyzylorda