Medısına ǵylymdarynyń magıstri, stasıonarlyq jáne stasıonardy almastyratyn kómek basqarmasynyń basshysy Aıma Saǵyndykova eldegi ınfeksııalyq tósekterdiń júktelimi týraly málimet berdi, dep habarlaıdy Egemen.kz.
«4 tamyzdaǵy jaǵdaı boıynsha elimizde 52 803 ınfeksııalyq tósek orny ashyldy. Respýblıka boıynsha tósekterdiń júktelimi 56%-ǵa jetken. Shilde aıymen salystyrǵanda, tamyzda qosylǵan medısınalyq uıymdardyń sany 326-dan 339-ǵa deıin, tósek sany 10 myńǵa artty. Infeksııalyq stasıonarlardaǵy reanımasııalyq tósek sany – 4 795, júktelim – 46%.
Infeksııalyq tósekterdiń eń júktelimi Shymkent, Nur-Sultan qalalarynda, Qyzylorda jáne Qostanaı oblystarynda, reanımasııalyq tósekterdiń júktelimi Nur-Sultan qalasynda, Mańǵystaý jáne Atyraý oblystarynda baıqalady», dedi Aıma Saǵyndyqova ortalyq kommýnıkaııalar qyzmetinde.
Onyń aıtýynsha, epıdemıologııalyq ahýal kúrdelengen jaǵdaıda koronavırýstan emdeý úshin qosymsha 12 myń ınfeksııalyq tósek jáne josparly medısınalyq kómekti toqtatpaı 550 reanımasııalyq tósek ornalastyrý múmkindigi bar.