Ertis ózeniniń «Jyly jaǵajaı» jeke menshik jaǵajaıynda er adam sýǵa batyp ketken, dep habarlaıdy Egemen.kz Pavlodarnews.kz saıtyna silteme jasap.
Oblystyq TJD baspasóz qyzmetiniń málimetinshe, 3 tamyz kúni qoǵamdyq qutqarýshy Sergeı Ermakov jaǵajaı aýmaǵynan tys jerde er adam sýǵa batyp ketkenin kórgen.
- Sol kúni oqıǵa ornyna kezekshi shyqty. Izdeý jumystarynyń birinshi kúni ózen túbi 2000 metr tómen aǵyspen, jaǵadan 50 metr qashyqtyqta, tereńdigi 3-ten 10 m-ge deıin zertteldi. Budan basqa, eholoty bar jeke menshik qaıyq jumyldyryldy. Alaıda izdeý nátıje bermedi. О́zenniń túbinde kóptegen sý basqan shógindiler bar. 4 tamyzda júrgizilgen izdeý sharalary nátıjesiz aıaqtaldy, - deıdi departamentte.
Kelesi kúni saǵat 15.47-de Pavlodar oblysy TJD órt sóndirý jáne avarııalyq-qutqarý jumystary qyzmeti jedel-qutqarý jasaǵynyń súńgýirlerimen izdestirý-qutqarý jumystaryn júrgizý kezinde avtojol kópiri mańynan 1962 jyly týǵan er adamnyń denesi tabylyp, sýdan shyǵaryldy.Er adamnyń týystary ajal qushqan adamdy tanydy.