Qazaqstandyq joǵary oqý oryndarynyń stýdentteri men oqytýshylary túrli yntalandyrý syılyqtaryn ala bastady. QR Bilim jáne ǵylym mınıstri Ashat Aımaǵambetovtiń tapsyrmasy boıynsha ýnıversıtetter bilim alýshylar men qyzmetkerler arasynda vaksınasııany qoldaýdy yntalandyrý sharalaryn ázirlep, júzege asyryp jatyr, dep jazady Egemen.kz.
D.Serikbaev atyndaǵy Shyǵys Qazaqstan tehnıkalyq ýnıversıtetinde vaksınasııalanǵan stýdentter arasynda aqshalaı sertıfıkattar oınatylyp, JOO-nyń 50 bilim alýshysy 15 myńteńge aqshalaı syılyq utyp aldy. Yntalandyrý utys oıyny osymen shektelmeıdi. Taǵy 70 stýdentke osyndaı saýyqtyrý kómegi qarastyrylǵan.
Shart boıynsha stýdentter 8 tamyz ben 24 tamyz aralyǵynda covid 19 vaksınasyn alyp, arnaıy poshtaǵa #Stop COVID-19 heshtegimen vaksınasııa prosedýrasyn rastaıtyn SMS habarlamany jiberý qajet. 70 jeńimpaz 10 000 teńge kóleminde aqshalaı syıaqy alyp, ımmýnıtetin dárýmendermen qamtamasyz etý múmkindigine ıe bolady. Sonymen qatar, bilim berý baǵdarlamalarynyń jetekshileri Buqtyrma sý qoımasynyń jaǵalaýyna nemese stýdenttermen birge Abaıdaǵy kıeli oryndarǵa saıahattap bara alady.
Eske salsaq, vaksınasııany materıaldyq qoldaý jáne marapattaý tájirıbesi álemniń kóptegen elderinde júzege asyrylýda.