О́zbekstan úkimeti mektepke deıingi bilim berý isimen aınalysatyn shuǵyl top uıymdastyrý týraly jarlyq shyǵardy. Ol barlyq talapqa saı zamanaýı avtobýs bazasynda uıymdastyrylady, dep jazady Egemen.kz Ortalyq Azııa jańalyqtar qyzmetine silteme jasap.
О́zbekstan Mektepke deıingi bilim mınıstrliginiń habarlaýynsha, balabaqshaǵa aınalatyn ISUZU HC 40 avtobýsy kúnnen qýat alatyn batareıamen jabdyqtalǵan. Ishinde jeldetkish, ájethana, ystyq jáne sýyq sý júıesi, tamaq jylytýǵa arnalǵan ashana bar.
Bir topta 30-ǵa jýyq bala oqıdy. Sabaq úsh saǵatqa sozylady. Shuǵyl top kúnine úsh aýysymda, aptasyna alty kún jumys isteýi múmkin.
Olar oqý jylyn 2 qyrkúıekte bastap, kelesi jyly 31 mamyrda aıaqtaıdy.
Memlekettiń mektepke deıingi bilim berý qyzmeti halyqqa tegin usynylady.
Mınıstrlik málimetinshe, byltyr óńirlerde 49 balabaqsha-avtobýs jumys istegen.