Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov «Antikor news» jobasy aıasynda ótken baspasóz konferensııasy barysynda aıtty, dep habarlaıdy Egemen.kz Baq.kz saıtyna silteme jasap.
Sondaı-aq jyl basynan beri qansha tulǵaǵa qatysty is qozǵalǵanyn baıandady.
Agenttik tergeýshisiniń aıtýynsha, 2021 jyldyń ótken kezeńinde 921 sotqa deıingi tergep-tekserý tirkelgen. Onyń 725-i sotqa jiberilipti.
«Atalǵan qylmystyq ister boıynsha 110 laýazymdy tulǵa ustaldy, 101 adamǵa qatysty «kúzetpen ustaý» jáne 26 adamǵa qatysty «úıqamaq» bultartpaý sharasy qoldanyldy», dedi tergeýshi Danııar Bekaıdarov.
Sonymen qatar bıyl 7 aı ishinde Sybaılas jemqorlyqqa qarsy qyzmet memlekettik organdarǵa qylmystyq quqyq buzýshylyq jáne basqa da zań buzýshylyqtar jasaýǵa yqpal etken mán-jaılardy joıý boıynsha 567 usynys engizgen.
Qaraý nátıjeleri boıynsha 429 adam tártiptik jáne ákimshilik jaýapkershilikke tartylypty (sógis – 151, qatań sógis – 78, qyzmetke tolyq sáıkes emestigi týraly eskertý – 58, eskertý – 54, jumystan bosatý – 46, atqaratyn laýazymynan bosatý – 33, laýazymyn tómendetý – 4, ákimshilik. jaýapkershilik – 5).
«Bul kezeń ishinde barlyǵy 520 tulǵa sottaldy, 131 tulǵa para alǵany úshin isti bolsa, 222 adam – para bergeni úshin, 12-i – deldaldyq úshin, 71 – alaıaqtyq, 35 – urlaý, 32 – laýazymdyq ókilettikterdi teris paıdalaný, 9 adam bılikti nemese laýazymdyq ókilettikterdi asyra paıdalanǵany úshin jaza arqalady», dep atap ótti tergeýshi.