Grekııa úshinshi kún qatarynan eldiń kóptegen aýdandaryndaǵy órtti sóndire almaı otyr, dep habarlaıdy Egemen.kz.
Jalyn myńdaǵan gektar ormandy sharpyǵan, qazirgi kezde ol Attıkanyń soltústik-shyǵysyna qaraı jyljyp barady. Ǵımarattar órtenip, jabaıy ańdar qyrylyp jatyr. Myńdaǵan adam evakýasııalandy. Turǵyndardyń kóbi bir tún ishinde baspanasyz qaldy.
Afına-Salonıkı jalpyulttyq avtomagıstraliniń eki jaǵy otqa oranǵan.
«Qazirgi baǵalaý boıynsha, Afınanyń soltústigindegi órt Ulttyq joldy úsh túrli jerde sharpyǵan. Bofort shkalasy boıynsha 6 baldyq ekpindi jel órtti odan saıyn kúsheıtip, órt sóndirýshilerdiń jumysyna kedergi keltirýde. Jańa tutaný oshaqtary paıda bolýda», habarlaıdy Euronews agenttigi.
Afınaǵa jaqyn jerde órt sóndirý kezinde er adam qaza tapty. Ony elektr baǵana basyp qalǵan. Kem degende taǵy on adam jaraqat alyp, aýrýhanaǵa túsken. Grekııada 56 tabıǵı órt sóndirilip jatyr. Eń aýyr jaǵdaı Evbeıada.
Jalyn negizgi ormandy sharpyp, iri taý silemi boıynsha birneshe baǵytta taralyp barady. Tipti teńiz jaǵasyna sheıin jetti. Júzdegen adam qaıyqpen evakýasııalandy. Otpen kúresýge 240 órt sóndirýshi jumyldyrylǵan. Grekterge Fransııadan, Shveısarııadan, Shvesııadan jáne Rýmynııadan áriptesteri kómek kórsetýde..