Qazaqstan Prezıdenti Qasym-Jomart Toqaevtyń tapsyrmasy boıynsha Tótenshe jaǵdaılar mınıstrligi sýaǵar qurylǵylary bar «Qazavıaqutqarý» AQ-nyń Mı-8 AMT 2 tikushaǵyn jáne quramynda 16 qutqarýshy bar jedel tobyn orman órtterin sóndirýge kómek kórsetý úshin Túrkııa Respýblıkasyna jiberdi, dep habarlady TJM resmı ókili Talǵat Ýálı.
Qazaqstandyq tikushaqtar ótken senbide ushyp shyqty jáne úsh memlekette toqtap, olardyń shekarasy arqyly Túrkııanyń Muǵla qalasyna ushyp jetedi. Jedel topty Nur-Sultan qalasynyń áýejaıynda Tótenshe jaǵdaılar birinshi vıse-mınıstri Ibragım Kúlshimbaev shyǵaryp saldy. Bizdiń qutqarýshylarymyzdyń jergilikti túrik bıligimen ózara is-qımylyn Qazaqstan Respýblıkasynyń Túrkııadaǵy elshiligi úılestiredi.
Sondaı-aq Qazaqstan órtengen aýmaqtardaǵy orman jamylǵysyn qalpyna keltirýge gýmanıtarlyq kómek kórsetýge nıetti. Otyrǵyzylǵan orman qazaq jáne túrik halyqtarynyń arasyndaǵy dostyq pen baýyrlastyq baılanystardyń sımvoly bolady.
«Egemen-aqparat»