8 tamyzda Alakólde Túrkistan oblysynyń 27 jastaǵy turǵyny qozǵalys qaýipsizdigi erejelerin buzý jáne kólik quralyn (gıdrosıkldi) paıdalaný saldarynan úrlemeli sý matrasymen soqtyǵysyp, saldarynan Semeı qalasynyń 40 jastaǵy turǵyny oqıǵa ornynda kóz jumdy, dep habarlaıdy Egemen.kz.
Onyń 2010 jyly týǵan kámeletke tolmaǵan qyzy túrli jaraqattarmen aýrýhanaǵa jetkizildi.
Úrjar aýdandyq polısııa bólimi QR QK-niń 344-baby 2-bóligi boıynsha mán-jaılardy zertteý, tergeý áreketterin júrgizýde.
Sonymen qatar gıdrosıkldiń ıesi, Úrjar aýdanynyń 31 jastaǵy turǵynyna qatysty QR QK-niń 306-baby 3 - bóligi boıynsha, ıaǵnı, abaısyzda adam ólimine ákep soqqan, qaýipsizdik talaptaryna jaýap bermeıtin qyzmetter kórsetý boıynsha sotqa deıingi tergeý bastaldy.
Qylmystyq is júrgizý kodeksiniń 201-babynyń 1-bóligine sáıkes sotqa deıingi tergep-tekserýdiń ózge de aqparaty jarııa etýge jatpaıdy.