Koronavırýsqa qarsy vaksınasııalaý jónindegi ózekti suraqtarǵa elordadaǵy №2 qalalyq emhananyń terapevt-dárigeri Ásemgúl Esmaǵambetova jaýap berdi, dep habarlaıdy Egemen.kz Nur-Sultan ákimdiginiń resmı saıtyna silteme jasap.
«Adam vaksınasııadan keıin nelikten aýyrady? Onyń bári epıdemıologııalyq tártipti saqtamaýdyń saldary. Iаǵnı adam kóp jınalatyn oryndarda betperde taqpaıdy, taqqan jaǵdaıda murnyn ashyq qaldyrýy, ıegine deıin ǵana taǵýy múmkin, qol gıgıenasy men áleýmettik qashyqtyq saqtalmaıdy. Vaksına alǵan adamda ımmýnıtet damýy úshin ekinshi ekpeden keıin keminde 60 kún tıisti rejımdi saqtaý qajet», dep atap ótti Ásemgúl Esmaǵambetova.
Onyń aıtýynsha, eger adam COVID-19-ben aýyrsa, jazylǵannan keıin úsh aıdan soń vaksına alǵany durys.
«О́kinishke qaraı, qazir KVI-di qaıta juqtyrǵandar bar. Eger adam aýyrmasa, sol sııaqty antıdeneleri bolsa da vaksına alýy kerek. О́ıtkeni, qazir vırýstyń jańa túri – delta shtamy taralyp jatyr, naýqastar qatary kún sanap artýda», dep túsindirdi dáriger.
Sondaı-aq spıker ekpe pýnkterinde vaksına qandaı jaǵdaıda saqtalatynyn túsindirip ótti.
«Spýtnık V» vaksınasy -18 gradýsta jáne odan da tómen temperatýrada saqtalady. Muzdatqyshtarǵa -23 gradýs temperatýrasy qoıylǵan. Al qalǵan vaksınalardy +2+8 gradýs temperatýrada saqtaýǵa bolady. Temperatýralyq kúnine eki ret baqylanady jáne derekter jýrnalyna jazylady», dedi dáriger.
Dárigerdiń aıtýynsha, adamzatty koronavırýstan qorǵaýdyń joly az – vaksınasııa jáne epıdemıologııalyq sharalardy saqtaý.
Sondaı-aq Esmaǵambetova eki túrli vaksına alýǵa keńes bermeıtinin málimdedi.
«DDSU atap ótkendeı, álemde túrli óndirýshilerdiń vaksınasyn aralastyrýdyń tıimdiligi men qaýipsizdigi týraly naqty málimet joq. Birinshi jáne ekinshi komponentti eki túrli vaksınadan alý túsiniksiz jaıtqa aparýy múmkin. Ony aralastyrýdyń tıimdiligi týraly naqty málimet joq. Sondyqtan DDSU halyqty ımmýndaý úshin preparattardy biriktirýdiń qaýipsizdigi men oryndylyǵy týraly jetkilikti aqparat bolmaıynsha, vaksınanyń bir túrin alýdy keńes etedi.
Men de vaksınalardy aralastyrýdyń qajeti joq, ádistemelik usynymdarǵa sáıkes bir túrin alǵan durys dep esepteımin. Sebebi olardyń quramy ár túrli», dedi Ásemgúl Esmaǵambetova.