Shyǵys Qazaqstanda epıdemııalyq jaǵdaı aýyr. Oblystyń bas sanıtarlyq dárigeri Qanat Turdıevtiń aıtýynsha, pandemııa bastalǵaly oblysta koronavırýstyń 34 myń jaǵdaıy tirkelgen. О́tken táýliktiń ózinde 280-nen asa jaǵdaı anyqtalǵan.
Turǵyndar arqany keńge salǵan soń da jaǵdaı ýshyǵady. Oblys ortalyǵynda bir táýlik ishinde 111 adam aýyrsa, Semeıde 140 adam tirkelgen. Infeksııanyń jańa tolqynyna oblystyń medısınalyq mekemeleri tolyq daıyn. Bul týraly Densaýlyq saqtaý basqarmasynyń basshysy Ermek Omarbekov málimdedi.
Onyń aıtýynsha, óńirdegi ınfeksııalyq stasıonarlarda 4 myńnan asa tósektik oryn bar. Onda qazir 900-ge jýyq adam emdelip jatyr. Sondaı-aq 350-den astam reanımasııalyq tósektik oryn qarastyrylǵan. Reanımasııa men qarqyndy terapııa bólimshesinde 76 naýqas em alýda. Jalpy, oblystyń tósektik oryn qory 21 paıyzǵa tolǵan. Jaǵdaı dárigerlerdiń jiti baqylaýynda.
– Oblysta kún saıyn óńirlik shtab otyrysy ótip, oblystaǵy epıdemııalyq jaǵdaıdy talqylaımyz. Aıta ketsem, aýrýhanalar qajetti jabdyqtarmen tolyq jabdyqtalǵan. Rentgen, О́JJ, ottegi konsentratorlary, kompıýterlik tomograftar jetkilikti. Dári-dármekter men jeke qorǵanys quraldarynyń qory da bar, – dep atap ótti E.Omarbekov.
Alaıda «aýyryp em izdegenshe, aýyrmaýdyń jolyn izde» demeı me?! Aýyrmaýdyń joly – ekpe alý. Vaksına alyp, indet juqtyryp alǵan jaǵdaıda reanımasııa tósegine tańylmaıdy adam. Densaýlyq saqtaý basqarmasynyń basshysy solaı deıdi. Tipti indetke senbeıtinderdi juqpaly aýrýhanalar men reanımasııa bólimshelerin kórip qaıtýǵa keńes berdi.
– Kózben kórgen adam mundaı jaǵdaıǵa túsip, qınalǵanyn qalamaıdy. Sonda ǵana kózderi jetip, vaksına alýǵa bel býady. Vaksınalanǵandardyń jalpy sanynyń tek 1,6 paıyzy ǵana koronavırýspen aýyrǵanyn atap ótkim keledi. Olar aýrýdy jeńil jáne ortasha túrde bastan ótkerdi. Eshqaısysy reanımasııaǵa jetken joq. Sebebi olardyń ımmýnıteti men antıdenelerdiń tıtri joǵary, – dedi E.Omarbekov.
Jalpy, búgingi tańda óńirde vaksınanyń birinshi komponentin 440 myńǵa jýyq adam alsa, ekinshi komponentin 335 myńnan asa adam alǵan. Osy oraıda densaýlyq saqtaý basqarmasynyń basshysy vaksına jetkilikti mólsherde ekenin atap ótti. Qazirgi ýaqytta aımaqta 80 myń vaksına dozasy bar.
Oblys «qyzyl aımaqqa» engeli demalys kúnderi О́skemen men Semeıde qoǵamdyq kólik qozǵalysy toqtatyldy. Mundaı tapsyrma ınfeksııanyń taralýyn azaıtý jáne jaǵdaıdy turaqtandyrý úshin vedomstvoaralyq komıssııanyń otyrysynda berildi. Bul shekteý sharalary epıdemııalyq jaǵdaı turaqtalǵanǵa deıin saqtalady.
Shyǵys Qazaqstan oblysy