Qytaıdyń Shyńjań-Uıǵyr avtonomııalyq ólkesinde 4,8 baldyq jer silkinisi boldy, dep habarlaıdy Egemen.kz CCTV telearnasyna silteme jasap.
CCTV telearnasynyń habarlaýynsha, 9 tamyzda Qytaıdyń Shyńjań-Uıǵyr avtonomııalyq ólkesi Qyzylsý oblysy Artýsh qalasynda 4,8 baldyq jer silkinisi boldy.
Zilzala 15 shaqyrym tereńdikte bolǵan. Jer silkinisiniń oshaǵy soltústik endiktiń 40,09 gradýsynda jáne shyǵys boılyqtyń 75,95 gradýsynda boldy. Ázirge zardap shekkender týraly aqparat joq. Alaıda, oqıǵaǵa baılanysty keıbir poıyzdar qozǵalysyn toqtatty. Jergilikti temirjol kóligi basqarmasy tekserý júrgizýde.