Tarazda jazasyn óteýshiler arasynda Abaı kúnine oraı shyǵarmashylyq kesh ótti, dep jazady Egemen.kz Polisia.kz-ke silteme jasap.
Jambyl oblysy boıynsha Qylmystyq-atqarý júıesi departamentine qaraıtyn JD-158/7 mekemesinde uıymdastyrylǵan is-sharada qatysýshylar aqynnyń shyǵarmalarynan úzindi jattap, qara sózderin jatqa oqyp, ózara básekege tústi.
«Uly oıshyldyń ónegeli ómiri men taǵylymy qashanda úlgi. Jazasyn óteýshiler arasynda ótken shyǵarmashylyq keshte olar óz sheberligin shyńdap qana qoımaı, qateliginen sabaq alyp, túzelý jolyna túsedi degenge senim mol. Abaı rýhyn ulyqtaý sharalary jalǵasyn tabady», deıdi mekeme bastyǵy Oleg Rodıakın.