Qytaı Vılnıýstegi Elshisin qaıtaryp alý týraly sheshim qabyldady. Oǵan Lıtva bıliginiń Taıvanǵa da ókildik ashýǵa ruqsat bergeni sebep boldy, dep jazady Egemen.kz «RIA Novostı» portalyna silteme jasap.
Buǵan deıin Taıvan Syrtqy ister mınıstri Djozef Ý araldyń Lıtvada ókildigin ashatynyn, ol Vılnıýste ornalasatynyn jáne «Taıvannyń Lıtvadaǵy ókildigi» dep atalatynyn habarlaǵan bolatyn.
Lıtvanyń ekonomıka jáne ınnovasııa mınıstri Aýshrın Armonaıte óz kezeginde Lıtva Taıvanda qazan-qarasha aılarynda saýda keńsesin ashatynyn aıtty.
«Jaqynda Lıtva úkimeti, Qytaı tarapynyń birneshe ret eskertýine qaramastan, Taıvan ákimshiligine óz astanasynan ókildik»ashýǵa ruqsat beretinin jarııalady. Bul eki el arasyndaǵy dıplomatııalyq qatynastar týraly málimdemeni buzady jáne Qytaıdyń egemendigi men terrıtorııalyq tutastyǵyna eleýli zııan keltirdi», dep jazdy Qytaı Syrtqy ister mınıstrligi.
Mınıstrlik «Qytaı buǵan úzildi-kesildi qarsy. Qytaı úkimeti Lıtvadaǵy elshisin shaqyrtý týraly sheshim qabyldady jáne Lıtva úkimetinen de óz elshisin qaıtaryp alýdy surady» dep atap kórsetedi.
Qytaı Syrtqy ister mınıstrligi «álemde bir ǵana Qytaı bar ekenin, al QHR úkimeti - búkil Qytaıdy bildiretin jalǵyz zańdy úkimet» ekenin eske saldy.