Shyǵys Qazaqstan turǵyny bul jaıttan bankten nesıeni tóleý merzimin keshiktirgeni týraly habarlama alǵanda bir-aq bilgen, dep jazady Egemen.kz.
diapazon.kz málimetinshe, jergilikti polısııa departamentine shaǵymdanǵan azamatshanyń atynan jalǵan nesıeni Aqtóbe qalasynda ornalasqan bank qyzmetkerleriniń biri rásimdegen.
О́tken jyldyń naýryz aıynda 28 jastaǵy banktiń kredıt jónindegi keńesshisi uıaly telefon satatyn dúkende shaǵymdanýshynyń atynan «taýar alý boıynsha» alaıaqtyq áreketpen nesıeni rásimdep jibergen. Tergep-tekserý prosesinde qyzmetker kinásin tolyq moıyndaǵan. Búginde QR Zańy «Alaıaqtyq» baby boıynsha sotqa deıingi tergeý júrgizilip jatyr.
«Eger sizdiń atyńyzǵa da osyndaı jolmen jalǵan nesıe rásimdelgenin bilseńiz, birinshi kezekte polısııaǵa habarlasýyńyzdy suraımyn. Ekinshi, nesıe berdi dep kórsetilgen qarjy ınstıtýtyna ótinish jazý kerek. Onda siz taýardy ne qarajatty almaǵandyǵyńyz týraly anyqtama berip, qyzmettik tekserý júrgizýdi surańyz», deıdi Aqtóbe oblystyq polısııa departamenti basshysy Atyǵaı Arystanov.