Bul týraly Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Qarjy mınıstri Erulan Jamaýbaev aıtty, dep habarlaıdy Egemen.kz.
«Jergilikti bıýdjet shyǵysy 4,5 trln teńgeni qurady. 58 mlrd teńge atqarylmaǵan. Aǵymdaǵy jyly óńirlerge 2,5 trln teńge somasynda nysanaly transfertter kózdelgen. Bıylǵy 1 tamyzdaǵy jaǵdaı boıynsha olarǵa 1 trln 160 mlrd teńge bólingen. Onyń 98,2%-i ıgerildi. Atqarylmaǵan – 21 mlrd teńge, onyń ishinde únemdeý – 3 mlrd teńge, ıgerilmegeni - 18 mlrd teńge», dedi E. Jamaýbaev.
Qarajatty eń kóp ıgermegen óńir qatarynda Nur-Sultan qalasy, Qyzylorda, Shyǵys Qazaqstan, Batys Qazaqstan jáne Aqmola oblysy bar.