Grýzııada azamattarǵa 10 tamyzdan bastap kóshede medısınalyq betperde kııý mindetteldi. Bul týraly koronavırýspen kúres jónindegi úılestirý keńesi jedel shtabynyń basshysy Georgıı Gıbradze málimdedi, dep habarlaıdy Egemen.kz.
Epıdemıologtar shildeniń sońynan bastap jaǵdaıdyń kúrt nasharlaýyn tirkep otyr. El bıligi azamattardy kelesi lokdaýnnan aýlaq bolý úshin belsendi vaksınalaýǵa shaqyrdy.
«Keńestiń sheshimimen 10 tamyzdan bastap bes nemese odan da kóp azamat jınalatyn ashyq jerde betperde kııý mindetti bolady», dedi Gıbradze brıfıngte.Sondaı-aq ol elde túngi klýbtardyń jumys isteýine tyıym salynǵanyn jáne meıramhanalar tún ortasynan tańǵy beske deıin jabylǵanyn eske saldy.
Pandemııa bastalǵannan beri Grýzııada 450 myńnan astam jaǵdaı tirkeldi, 6000-nan asa adam qaıtys boldy.