10 tamyzda Qazaqstanǵa Beıjiń bıologııalyq ınstıtýty ázirlegen Vero Cell vaksınasynyń birinshi partııasy jetkizildi, dep habarlaıdy Egemen.kz.
Vaksına úsh kezeńnen turatyn synaqtan ótkizilgen. Sońǵy kezeń nátıjeleri 21 kún aralyqpen berilgen vaksınanyń eki dozasy SARS-CoV-2 ınfeksııasyna qarsy 79% tıimdi ekenin kórsetti. Janama áserleri saldyrǵannan keıin eki aptadan soń joǵalady.
Vero Cell vaksınasyn 18 jastan asqan adamdarǵa egý usynylady. Qazirgi ýaqytta kámeletke tolmaǵan adamdardy vaksınasııalaý boıynsha synaq júrip jatyr.
Preparatty qaptamasynda tońazytqyshta +2 -den +8°S-ge deıingi temperatýrada bir jyldan aspaıtyn ýaqyt nemese qaptamada kórsetilgen merzim aıaqtalǵanǵa deıin jaryqtan qorǵalǵan jerde saqtaý kerek.
Vaksınasııa sharttary:
Preparat allergııalyq reaksııa bergen jaǵdaıda ońaı medısınalyq kómek kórsetýge bolatyn jerge egiledi;
Temperatýrasy 38,5°S-tan joǵary adamdar dene temperatýrasy qalypqa kelgenshe vaksınany keıinge qaldyrýy kerek;
Koronavırýs juqtyrǵan adam tolyq emdelmeıinshe saldyrmaǵany jón;
Eger birinshi doza adamdarǵa anafılaktıkalyq reaksııa týdyrsa, ekinshi dozasy taǵaıyndalmaıdy.
Qazirgi ýaqytta vaksınanyń sozylmaly aýrýlary bar adamdarǵa, 60 jastan asqan adamdarǵa, júkti jáne bala emizetin áıelderge, VICh-pozıtıvti adamdarǵa jáne ımmýnıteti álsiregen adamdarǵa qaýipsizdigi men tıimdiligi týraly aqparat naqtylanǵan joq.