Shymkent qalasy boıynsha Sybaılas jemqorlyqqa qarsy qyzmeti Shymkent qalasynyń Mádenıet, tilderdi damytý jáne arhıvter basqarmasynyń laýazymdy tulǵalaryn áshkereledi, dep habarlaıdy Egemen.kz.
Bul týraly QR Sybaılas jemqorlyqqa qarsy is-qımyl agenttigi Telegram kanalynda málimdedi.
Olar memlekettik organdardyń laýazymdy tulǵalaryna bıýdjet qarajatyn jymqyrý faktisi boıynsha qylmystyq isti toqtatqany úshin 80 mln teńge somasynda asa iri mólsherde para berýge áreket jasady degen kúdikke ilindi.
Atalǵan tulǵalar ustalyp, Shymkent qalasy PD ýaqytsha ustaý ızolıatoryna qamaldy. Is boıynsha tergep-tekserý júrgizilýde.