Nur-Sultanda jańa meshittiń órtenýi týraly qaýeset habar qazaqstandyqtardy dúr silkindirdi. Alaıda, tótenshe jaǵdaı mınıstrligi habarlaǵandaı, meshit aýmaǵynda eshqandaı órt bolǵan joq, dep habarlaıdy Egemen.kz Tengrinews.kz-ke silteme jasap.
Áleýmettik jelilerde jańadan salynyp jatqan meshittiń munaralarynyń biri qalyń tútinge oranǵany týraly habarlama tarady.
Qazaqstan TJM resmı ókili Talǵat Ýálı meshittegi órt týraly aqparatty joqqa shyǵardy.
«101 pýltine órt týraly aqparat túsken joq. О́zim kóz jetkizý úshin bul aımaqqa keldim. Kórip otyrǵandaryńyzdaı, qurylys jumystary júrgizilýde jáne eshqandaı órt bolmaǵanyn resmı túrde málimdeımiz», dedi Talǵat Ýálı.