Reseıdegi Kamchatka aımaǵynda bortynda 13 týrıst pen 3 ekıpaj múshesi bar Mı-8 tikushaǵy qulady, dep jazady Egemen.kz TASS agenttigine silteme jasap.
«12 tamyz kúni, Máskeý ýaqytymen saǵat 00.50-de Kronoskoe qoryǵynyń Kýrılsk kóli aýmaǵynda «Vıtıaz-Aero» kompanııasynyń Mı-8 tikushaǵy jerge qatty qonǵany týraly habarlama tústi. Aldyn ala aqparat boıynsha, bortta 13 týrıst pen 4 ekıpaj múshesi bar. Oqıǵa ornyna Apattar medısınasy ortalyǵynyń tikushaǵy men Reseı Tótenshe jaǵdaılar mınıstrliginiń Mı-8 tikushaǵy attandy», dep jazdy Tótenshe jaǵdaılar mınıstrligi Kamchatka boıynsha Memlekettik basqarmasynyń baspasóz qyzmeti.
Tikushaqtan zardap shekkenderge kómektesý úshin Kamchatsk ólkesindegi izdestirý-qutqarý jumystaryna 45 adam men 8 tehnıka jumyldyryldy.