Kishkentaı kórermenge úlken bazarlyq

Sońǵy jyldary álemdik naryqta úsh ólshemdi formattaǵy fılmderdiń (3D) kádimgideı basymdyqqa ıe ekenin bilemiz. Bul anımasııalyq fılmderge qatysty aıtqanda da solaı. Mysaly, balalar túgili eresekterdiń ózin ekrannyń aldyna matap qoıatyn «Shrek máńgilik» mýltfılmi osy formatta túsirilgen. Álemdik úrdis otandyq kınony aınalyp ótpegenimen, mýltfılmimizge jete qoımaǵan jaıy bar edi. Jýyrda bul asý da baǵyndyryldy, ıaǵnı,  tuńǵysh ret osy úsh ólshemdi formatta «Batyrlar» atty mýltfılm túsirildi.

Sońǵy jyldary álemdik naryqta úsh ólshemdi formattaǵy fılmderdiń (3D) kádimgideı basymdyqqa ıe ekenin bilemiz. Bul anımasııalyq fılmderge qatysty aıtqanda da solaı. Mysaly, balalar túgili eresekterdiń ózin ekrannyń aldyna matap qoıatyn «Shrek máńgilik» mýltfılmi osy formatta túsirilgen. Álemdik úrdis otandyq kınony aınalyp ótpegenimen, mýltfılmimizge jete qoımaǵan jaıy bar edi. Jýyrda bul asý da baǵyndyryldy, ıaǵnı,  tuńǵysh ret osy úsh ólshemdi formatta «Batyrlar» atty mýltfılm túsirildi.

Anımasııalyq fılm Motion Capture jańa tehnologııasy negizinde ázirlengen. Al jobany «Qazaqstan» RTRK» AQ tapsyrysy boıynsha «Nur Otan» partııasynyń qoldaýymen «Kazakhstan Computer Graphics» kompanııasy túsirgen. Jýyrda elordadaǵy «Kerýen» oıyn-saýyq ortalyǵynda tarıhı-anımasııalyq mýlthıkaıanyń tusaýkeser rásimi ótti.

«Ultynyń tutastyǵyn, jeri­­niń bútindigin murat etken qazaq batyrlary týraly kór­kem fılmder túsirilip kelgen. Al «Batyrlar» týyn­dysy osy taqyrypty kó­ter­gen tuńǵysh anımasııalyq fılm. Aty ańyzǵa aınalǵan er­júrek batyrlarymyzdyń biri, XVIII ǵasyrdaǵy Qazaq eli­niń jońǵar­larǵa qarsy ult-azat­tyq soǵysyndaǵy kórnekti qa­harman –  Naýryzbaı batyr­dyń el taǵdyryndaǵy tarıhı or­ny men  erlik joryqtarynyń ma­ńyzyn óskeleń urpaqtyń   sanasyna sińirý mańyzdy mindet», – dedi  «Qazaqstan» RTRK» AQ-tyń tóraıymy N.Mu­hamedjanova tusaýkeser rásiminde.

Mýlthıkaıa prodıýseri Aınur Temirhanqyzy mýlthıkaıanyń XVII-XVIII ǵasyrlardaǵy qazaq-jońǵar shaıqastarynyń tarıhı oqıǵalaryn beıneleıtinin, fılmniń salqynqandylyq, parasattylyq jáne birlik syndy birneshe bólimnen tura­ty­nyn málimdedi. Al, mýlt­fılm­niń rejısseri Málik Zań­ǵar «biz  batyrlar týraly ǵana sóz qozǵamaımyz. Keıip­kerlerdiń  ishki jan dúnıe­sine kompıýterlik grafıka múm­kindikteri turǵysynan qaradyq. Bul týyndynyń mýlthıkaıa jáne onyń negizgi kórermenderi balalar ekendigin eskere otyryp, árbir bólimniń, ár  keıipkerdiń  tarıhı shynaıy beınesin saq­taýǵa tyrystyq», – dedi.

«Batyrlar» – sońǵy III-IV ǵasyrda halqymyzdyń jadynda ómir súrip, erlik pen namystyń, otanshyldyqtyń sımvolyna aınalyp úlgergen Bógenbaı já­ne Naýryzbaı  batyrlardyń batyrlyq joryqtary týraly syr shertetin tuńǵysh otandyq anımasııalyq fılm. Kórermen bul týyndyny aldymen «Ba­lapan», sosyn «Qazaqstan» Ult­tyq telearnasynan kóretin bolady.

Aıgúl SEIILOVA,

«Egemen Qazaqstan».