Aljırde orman órtinen qaza tapqandardyń sany 69-ǵa jetti, dep habarlaıdy Egemen.kz.
Marqumdardyń 28-i áskerı, 41-i jergilikti turǵyn. Mert bolǵandardyń kóbi Tızı-Ýzý provınsııasynyń turǵyndary.
Qazir 12 áskerı aýyr halde jatyr. Tilsiz jaýmen kúresý úshin kómekke Eýroodaq elderiniń ushaqtary tartyldy. Olar buǵan deıin Grekııadaǵy órtpen arpalysqan. El prezıdenti aldaǵy 3 kúndi qaraly kún dep jarııalady. О́rtti aýyzdyqtaý úshin aımaqtaǵy aptap ystyq pen qatty jel kedergi keltirýde.
Sınoptıkterdiń boljamy kóńil kónshitpeıdi. Soltústik Afrıka óńirindegi 46 gradýs temperatýra aptanyń sońyna deıin saqtalýy múmkin.