«Telegram» qoldanýshylary bıyl qarashada balalar jappaı aýyra bastaıdy, oǵan mektepter men balabaqshalarda azot oksıdi men berıllıı shashý sebep bolady degen aqparat taratyp jatyr, dep habarlaıdy Egemen.kz stopfake.kz saıtyna silteme jasap.
Bul aqparatty sanıtarlyq-epıdemıologııalyq baqylaý komıteti joqqa shyǵardy.
«Bul feık aqparat. Qazirgi ýaqytta mektepterde KVI taratpaý boıynsha barlyq sharalar qabyldandy, 379 540 pedagog pen mektep qyzmetkerleri vaksınasııalandy. Bul barlyq orta bilim berý qyzmetkerleriniń 96%-y. Oqýshylar arasynda KVI taralýyna jol bermeý boıynsha sharalar algorıtmi ázirlendi», dep habarlady sanıtarlyq-epıdemıologııalyq baqylaý komıtetiniń resmı ókili Erjan Baıtanaev.
Ol sondaı-aq qasaqana jalǵan aqparat taratýshylar QR QK 274-baby boıynsha qylmystyq jaýapqa tartylatynyn eske saldy. Iаǵnı, bul bap boıynsha 3 myń AEK-ke deıingi aıyppul túrindegi jaýapkershilik, 800 saǵatqa deıingi merzimge qoǵamdyq jumystarǵa tartý, 3 jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý qarastyrylǵan.