Jyl saıyn Qazaqstan halqyna arnalǵan Memleket basshysynyń Joldaýy eldiń áleýmettik-ekonomıkalyq áleýetin odan ári jaqsartýǵa baǵyttalǵan Basty qujat bolyp esepteledi. Bul týraly «24 kz» habarlady.
Elbasy bıylǵy Joldaýynda Qazaq eli ótken jıyrma eki jylda qyrýar is tyndyrǵanyn, úlgili damýdyń ózindik modelin qalyptastyrǵanyn atap ótti. Sonyń eń bastysy, «Qazaqstan-2050» Strategııasynyń qabyldanýy der edik. «Strategııa – kúnnen kúnge, jyldan jylǵa elimizdi, qazaqstandyqtardyń ómirin jarqyn ete túsetin naqty praktıkalyq ister baǵdarlamasy. Biraq, naryqtyq jaǵdaıda aspannan nápaqa kútpeı, tıimdi eńbektený kerektigin árkim-aq túsinýi tıis. Memlekettiń mindeti – osyǵan barlyq jaǵdaıdy jasaý. Men álemniń ozyq elderi arasyndaǵy Otanymyzdyń laıyqty Bolashaǵy ǵana qazaqstandyqtardy máńgilikke biriktiretinine senimdimin.
Búgin men damyǵan 30 eldiń qataryna kirý josparymyzdy usynǵym keledi. Meniń tapsyrmam boıynsha Úkimet naqty tujyrymdama jobasyn jasady. Osy Joldaýdaǵy meniń tapsyrmalarym eskerile otyryp jóndelgennen keıin túpkilikti bekitiletin bul qujatty jalpy alǵanda qoldadym. Kóptegen boljamdar boıynsha, aldaǵy 15-17 jyl Qazaqstannyń aýqymdy serpilisi úshin «múmkindikter kózi» bolmaq. Bul kezeńde syrtqy ortanyń qolaılylyǵy, resýrstarǵa, energııaǵa jáne azyq-túlikke suranystyń artýy, Úshinshi ındýstrııalyq tóńkeristiń pisip-jetilýi saqtalady. Biz bul kezeńdi paıdalana bilýge tıispiz», - dedi Prezıdent bıylǵy Joldaýynda onyń mańyzyn jurtshylyqqa túsindirip.
Endi «Qazaqstan» ,«24 kz», «Habar» telearnalary arqyly Joldaýǵa baılanysty Qazaqstandaǵy sheteldik dıplomattar men elimiz azamattarynyń aıtqan pikirlerin bere ketkendi jón sanadyq:
Slaıman Arabıat, Iordanııanyń Qazaqstandaǵy Tótenshe jáne ókiletti elshisi: Qazaqstan durys baǵytta keledi. 2050 jylǵa deıingi Strategııa sátti bastaldy. Prezıdenttiń saıası ustanymynyń arqasynda Qazaqstan álemdik qarjy daǵdarysyna tótep berdi. Halyq ta el Basshysyn qoldap otyr. О́ıtkeni, olardyń maqsaty bir – damyǵan memleketke aınalý. Qazaqstanda eńbek etip, osy ıgi ózgeristerge kýá bolý men úshin úlken qýanysh.
Djýn Kýkıta, IýNISEF ókildiginiń Qazaqstandaǵy basshysy: «Qazaqstan-2050» Strategııasy – uzaqmerzimdi jospar. Mundaı júıeli túrde ázirlengen qujat boıynsha eldi damytý tek kóregen Basshynyń qolynan keledi. О́zderińizge málim, IýNISEF jalpy balalar densaýlyǵyna qatysty máseleni udaıy kóterip keledi. Al Qazaqstannyń damý josparynda bul baǵytqa erekshe mán berilgen. Biz buǵan óte qýanyshtymyz.
Erlan Sydyqov, L. Gýmılev atyndaǵy Eýrazııa Ulttyq ýnıversıtetiniń rektory: Elbasy Joldaýynda úlken jetistikterge jetýimizdiń basty faktory ǵylym ekeni basa aıtyldy. Ǵylymsyz alǵa ekonomıka, óndiris te júrmeıtini anyq. Al damyǵan 30 eldiń qataryna jetýdiń basty kórsetkishi – ǵylymǵa kóńil bólý. Sondyqtan da Prezıdent ǵylymǵa qarajattyń bólinetindigine mańyz berdi. Bul barshamyzdy qýantady.
Shamshıdın Amıtov, QR IIM Almaty akademııasynyń Zań ınstıtýty bastyǵynyń orynbasary: Memleket basshysy Ishki ister organdarynyń qyzmetkerleriniń jaǵdaıyn jaqsartý úshin jalaqylaryn kóterdi jáne áleýmettik qorǵalýyn qamtamasyz etti. Sonymen qatar polısııa qyzmetkerleriniń azamattyq konstıtýsııalyq quqyqtary men bostandyqtaryn saqtaýdy jáne Ishki ister organdarynda tek qana kásibı sheberlerdiń qyzmet etýin talap etip otyr. Sol maqsatta bizdiń akademııada ishki ister organdaryna kadrlar daıarlaý boıynsha úlken josparlyq jumystar atqarylýda.
Ásker Perıev, Qazaqstan halqy Assambleıasynyń múshesi:
Ultaralyq kelisim, etnosaralyq kelisim máselesi sheshilip qoıǵan. Jalpy, alǵan qoıylǵan talaptar óte aýqymdy. Sonyń bastysy, «Qazaqstan – 2050» Strategııasynyń túpqazyǵy bolyp sanalatyn «Máńgilik el» ıdeologııasy. Elbasy bıylǵy Joldaýynda osyǵan birneshe ret toqtalyp, onyń mańyzyn aıtyp berdi. Daıyndaǵan: Ámirhan Almaǵanbetov.
Derekkóz: «Qazaqstan», «Habar», «24 kz» telearnalary
Foto: Aqorda. kz.