Senat depýtattary Muhtar Jumaǵazıev pen Baýyrjan Qanıev Aqtóbe oblysynyń Yrǵyz jáne Shalqar aýdandaryna bardy, dep habarlady joǵarǵy Palatanyń baspasóz qyzmeti.
Sapar barysynda senatorlar jergilikti sharýalarmen jáne agroónerkásip salasynda eńbek etip júrgen mamandarmen kezdesti.
Olar Yrǵyz aýdanynyń Qumtoǵaı aýylynda qoı sharýashylyǵymen, jylqy, iri qara ósirýmen aınalysatyn sharýa qojalyqtarynyń aldaǵy qysqa jemshóp daıyndaý barysymen tanysty. Sharýalarmen kezdesýlerde aýyl sharýashylyǵy men kásipkerliktiń ózekti máselelerin sheshý joldary talqylandy. О́z sózinde Muhtar Jumaǵazıev fermerler úshin mal dárigerleriniń tapshylyǵy jáne sapaly veterınarlyq kómek alý máselesi áli de ózekti bolyp otyrǵanyn aıtty.
Sondaı-aq depýtattar Shalqar aýdanynyń Jyltyr aýylynda salynyp jatqan dárigerlik ambýlatorııanyń qurylys barysymen tanysty. Olar shóleıttenýge qarsy kúresý jáne qumdardyń qozǵalysyn toqtatý úshin sekseýil kóshetterin otyrǵyzýmen aınalysatyn orman sharýashylyǵy mekemesine de bardy. Senator Baýyrjan Qanıev óńirdiń ekojúıesin jaqsartý úshin mundaı is-sharalardyń mańyzdy ekenin atap ótti.
Odan bólek senatorlar Shalqar qalasynyń mıkroklımatyn qalyptastyratyn Shalqar kóliniń qazirgi ahýalyn talqylaý úshin merdiger kompanııanyń ókilderimen kezdesip, bıyl sáýir aıynda bastalǵan kóldiń tabanyn tazartý jumystarymen tanysty.