Túrkııanyń Qara teńiz jaǵalaýyndaǵy sý tasqyny saldarynan 64 adam qaza tapty, dep jazady Egemen.kz Anadoly agenttigine silteme jasap.
Túrkııa úkimeti janyndaǵy Tótenshe jaǵdaılardyń aldyn alý jáne basqarý basqarmasynyń (AFAD) málimetinshe, Kastamoný provınsııasynda 54 adam, Sınop provınsııasynda 9 adam apat qurbany boldy, taǵy bir adam Bartın provınsııasynda kóz jumdy.
Qazirgi ýaqytta emdeý kýrsyn tabıǵı apattan zardap shekken 8 adam jalǵastyrýda. Túrkııanyń soltústiginde 11 tamyzda tolassyz jaýǵan jańbyr sel, kóshkin jáne sý tasqynyna sebep boldy. Memleket basshysy Rejep Taıyp Erdoǵan sý tasqynynan zardap shekken aýdandardy tabıǵı apat aımaǵy dep jarııalady.