Almatyda PTR nátıjelerin qoldan jasap satqan medısına ýnıversıtetiniń stýdenti jaýapkershilikke tartyldy, dep habarlaıdy Egemen.kz Polisia.kz-ke silteme jasap.
Jedel-izdestirý sharalary nátıjesinde jeke medısınalyq ortalyqtyń egý bólmesinde medısınalyq qyzmetker bolyp jumys isteıtin 25 jastaǵy H. esimdi medısına ýnıversıtetiniń stýdenti ustaldy.
«Bizge kelip túsken jedel aqparatty biz birneshe kún boıy tekserdik. Nátıjesinde, bul aqparat rastaldy. Kúdikti óz qyzmetin 20 myń teńgege baǵalaǵan. Atalǵan fakt biryńǵaı sot aldy tergeý reestrine QR QK 385-baby 1-tarmaǵy boıynsha tirkelip, qylmystyq is qozǵaldy. О́z kinásin tolyq moıyndap otyrǵan H. esimdi azamat tek qana bir ret jalǵan PTR nátıjesin jasaǵanyn alǵa tartyp otyr. Tergeý barysynda onyń qansha adamǵa jalǵan qujat daıyndap bergendigin anyqtaıtyn bolamyz», dep málimdedi Almaty qalasy PD-niń Krımınaldyq polısııa basqarmasynyń bastyǵy Qýatbek Naýatov.