Astanadaǵy Táýelsizdik saraıynda Elbasy Nursultan Nazarbaev halyqqa arnaǵan dástúrli Joldaýyn zor yqylaspen tyńdadyq. Alǵan áserimiz bólekshe. Barsha Qazaqstan azamattary asa zor yqylaspen qabyl alǵan bıylǵy Joldaý «Qazaqstan joly – 2050: bir maqsat, bir múdde, bir bolashaq» atty keń aýqymdy taqyrypty qamtydy.
Astanadaǵy Táýelsizdik saraıynda Elbasy Nursultan Nazarbaev halyqqa arnaǵan dástúrli Joldaýyn zor yqylaspen tyńdadyq. Alǵan áserimiz bólekshe. Barsha Qazaqstan azamattary asa zor yqylaspen qabyl alǵan bıylǵy Joldaý «Qazaqstan joly – 2050: bir maqsat, bir múdde, bir bolashaq» atty keń aýqymdy taqyrypty qamtydy.
Tereń maǵynaǵa ıe árbir jańa Joldaý – eń aldymen egemen elimizdiń erteńgi jarqyn bolashaǵyna bastar basty baǵyt. Sóz joq, Elbasynyń buǵan deıingi árbir Joldaýynyń ózi –qundy da mańyzdy strategııalyq qujat. Bıylǵy Joldaýdyń ózegi «Qazaqstan-2050» Strategııasyn júzege asyrýǵa negizdelgendikten, qoǵamdaǵy ár salaǵa asa joǵary mindetter júktelip otyr. Bul joly da Memleket basshysy óz Joldaýynda halyqty tolǵandyryp júrgen túıtkildi problemalarǵa aıryqsha mán berip, keleli máselelerge erekshe toqtaldy. Elbasynyń ındýstrııalyq-ınnovasııalyq baǵdarlamalardy júzege asyrý arqyly halyqty eńbekpen qamtý, zamanǵa laıyq sapaly bilim berý, ǵylym men ekonomıkany damytý, ulttyq patrıotızmge serpin berý, jańa tehnologııalardy ıgerý syndy mańyzdy máselelerdi kózdegen naqty tapsyrmalary kóptiń kókeıindegi oıdy dóp basty.
Ekonomıkalyq máselelerge basymdyq berilgen Elbasy Joldaýynda aldaǵy ýaqytta ishki jalpy ónimdegi ınvestısııa aýqymyn búgingi 8-18 paıyzdan 30 paıyzǵa deıin jetkizý qajettiligi aıtyldy. Osy oraıda Elbasy ekonomıkanyń jańa joǵary tehnologııalyq salalaryn qurý men ǵylymdy qarjylandyrýdy arttyrý qajettiligin de naqtylady. Prezıdent elimizdiń ındýstrııalyq-ınnovasııalyq damý baǵytyn ekonomıkalyq áleýetimizdi arttyrýǵa negizdeý barysyn jetildire otyryp, Úkimetke aýyl sharýashylyǵyn meılinshe jandandyrýdy jáne azyq-túlik qaýipsizdigin qamtamasyz etý maqsatynda qurǵaqshylyqqa tózimdi, gendik modıfıkasııalanǵan daqyldardy engizý, tájirıbelik agroınnovasııalyq klasterler qurý máselesin qarastyrýdy, jalpy, agrarlyq ǵylymdy damytýdy tapsyrdy.
Joldaýda aıtylǵandaı, Elbasy Úkimetke 2015 jyldyń 1 shildesinen azamattyq qyzmetshilerge eńbekaqy tóleýdiń jańa modelin jasap, engizýdi tapsyrdy. Osy oraıda aldaǵy ýaqytta bilim berý salasy qyzmetkerleriniń jalaqysyn – 29 paıyzǵa deıin arttyrý kózdeldi. Buǵan qosa 2050 jylǵa deıin Qazaqstanǵa bilim berýdiń barlyq býyndaryn jaqsartý boıynsha eleýli jumystar bar. Memleket basshysynyń aıtýynsha, 2050 jylǵa deıin Qazaqstanǵa bilim berýdiń barlyq býyndaryn jaqsartý boıynsha eleýli jumys atqarylmaq. Sondyqtan da jastardyń orta tehnıkalyq bilim alýynyń memleketpen kepildendirilgen ulttyq júıesine kóshý qarastyrylmaq.
Prezıdent Joldaýynda jastar saıasaty máselesi men olardyń ozyq bilim alýyn qamtamasyz etý jaıy da nazardan tys qalǵan joq. Elbasy joǵary úlgerimi bar stýdentterdi qoldaýdyń tıimdi júıesin qurý qajettiligine toqtalyp, Úkimetke 2016 jyldyń 1 qańtarynan bastap shákirtaqy kólemin 25 paıyzǵa arttyrýdy qamtamasyz etýdi tapsyrdy.
Elimizdiń áleýmettik-ekonomıkalyq jańǵyrýy Qazaqstan damýynyń eń basty baǵyty sanalady. Al adamı kapıtalǵa qatysty sapanyń artýy, onyń ishinde bilim sapasy men ǵylymı izdenis nátıjelerin joǵarylatý – Prezıdent Joldaýynyń basty ózegi. Joldaýda júktelgen mindetter, negizinen, jahandyq daǵdarys saldarynan týyndap otyrǵan túrli qaýipterden Qazaqstannyń múddesin qorǵaý jolyn ańǵartady. Bir aıta keterligi, Elbasy anyqtap bergen memlekettik baǵdarlamalar men aıasy keń megajobalar ózimizdiń ishki jaǵdaıymyzǵa ǵana emes, belgili bir dárejede ózge de áriptes eldermen qarym-qatynasymyzdyń damýyna serpin bereri sózsiz.
Joldaý barysynda 2050 jylǵa deıin Qazaqstan ómir súrý úshin qaýipsiz, qolaıly jáne qaýipsiz el bolýy tıis dep málimdegen Elbasy: «Endi eshkim ózgerte almaıtyn bir aqıqat bar! Ana tilimiz Máńgilik Elimizben birge Máńgilik til boldy. Qazaq tilin daýdyń taqyryby emes, ulttyń uıytqysy ete bilgenimiz jón. Máńgilik El – ata-babalarymyzdyń san myń jyldan bergi asyl armany. «Qazaqstan-2050» – Máńgilik Elge bastaıtyn eń abyroıly, eń mártebeli jol», dep atap ótti. Osy oraıda Prezıdent «Qazaqstan-2050» Strategııasy jol silteıtin shamshyraq retinde elimizdiń negizgi maqsattaryn joǵaltpaı, adamdardyń kúndelikti ómiriniń problemalaryn sheshýge múmkindik beretinin atap ótti. Bul turǵyda jyl saıyn el azamattarynyń ál-aýqatyn arttyrýǵa yqpal jasaıtyndyǵyn jetkizdi.
Joldaýda kóterilgen aýqymdy máseleler Qazaq ulttyq agrarlyq ýnıversıtet ujymynyń aldynda jańa mindetterdi aıqyndaıdy. Búginde memlekettiń bergen jańa múmkindikterin paıdalana otyryp, ýnıversıtetimiz álemdik deńgeıdegi zertteý ýnıversıtetine transformasııalanýǵa jumylýda. Bul oraıda ǵylymǵa negizdelgen ınnovasııalyq is-sharalardy júzege asyrý bilikti ǵalymdar men izdenimpaz stýdentterimizge júktelip otyrǵany belgili. Qazirgi kúni bizdiń ýnıversıtetimiz elimizdegi agrarlyq sala mamandaryn daıarlaıtyn aldyńǵy qatarly joǵary oqý orny sanalady. Sondyqtan da Qazaq ulttyq agrarlyq ýnıversıtetiniń ujymy Elbasynyń agrokeshenniń aldyna qoıǵan mindetterin óte jaqsy túsinip otyr.
Qazaq ulttyq agrarlyq ýnıversıtetiniń rektoraty, professor-oqytýshylar, stýdentter, magıstranttar jáne qyzmetkerler ujymy el Prezıdenti N.Á.Nazarbaevtyń Qazaqstan halqyna arnaǵan bıylǵy Joldaýynda aıtylǵan ózekti máselelerge keńinen qoldaý bildirip, ondaǵy naqtylanǵan mindettemeler men tapsyrmalardyń júzege asyrylý jolynda aıanbaı eńbek etetindikterin jetkizedi.
Tilektes ESPOLOV,
Qazaq ulttyq agrarlyq ýnıversıtetiniń rektory,
QR UǴA vıse-prezıdenti, akademık.