Ulttyń saýlyǵy – el mereıi

Jylqy jylyndaǵy Elbasynyń Qazaqstan halqyna dástúrli Jol­daýy ádettegideı árqaı­symyzǵa jańa baǵyt, jańa mindet, jańa talap júkteıdi. О́ıtkeni, Memleket basshysynyń árbir Joldaýy birin-biri tolyqtyryp turatyn birtutas strategııalyq qujat bolyp tabylady. Damýdyń dańǵyl joly sanalatyn uzaqmerzimdi bul baǵdarlamada nazardan tys qalǵan másele kemde-kem.  Sonyń biri – halyqtyń densaýlyǵy.

Jylqy jylyndaǵy Elbasynyń Qazaqstan halqyna dástúrli Jol­daýy ádettegideı árqaı­symyzǵa jańa baǵyt, jańa mindet, jańa talap júkteıdi. О́ıtkeni, Memleket basshysynyń árbir Joldaýy birin-biri tolyqtyryp turatyn birtutas strategııalyq qujat bolyp tabylady. Damýdyń dańǵyl joly sanalatyn uzaqmerzimdi bul baǵdarlamada nazardan tys qalǵan másele kemde-kem.  Sonyń biri – halyqtyń densaýlyǵy.

Búgingi tańda Qazaqstannyń turaq­ty damýynda ult saýlyǵy memlekettik eń ma­ńyz­dy máseleler sanatyna kiredi. Osy Joldaýynda da Elbasynyń: «Salamatty ómir saltynyń ornyǵýy, medısınanyń damýy qazaqstandyqtardyń  ómir súrý uzaqtyǵyn 80 jasqa deıin arttyrady», deýi osyǵan dálel. Máselen, Almaty qalasynda «Sala­matty Qazaqstan» memlekettik baǵdarlamasyn iske asyrýdyń úsh jylynda qala turǵyndarynyń densaýlyq ındıkatorlary men nátıje kórsetkishteriniń turaqty oń dınamıkasy qamtamasyz etildi.

Almatyda týý kórsetkishi artyp, almaty­lyqtardyń tabıǵı ósimi 2010 jyly – 12,7, 2011 jyly 17,3 paıyzǵa ósip otyr. Sábı óliminiń deńgeıi 2010 jyldan – 39,2 paıyzǵa, 2011 jyldan – 37,7-ge, al 2013 jyly 7,9 paıyzǵa kemigen. Al qala turǵyndarynyń ómir súrý uzaqtyǵy bir jylǵa uzaryp,  71,7 jasqa jetip otyr. Bul – respýblıka boıynsha salystyrǵanda, eń joǵary kórsetkish.

Sonymen qatar,  salamatty ómir salty boıynsha mekemearalyq jáne sektoraralyq tıimdilikti joǵarylatýda oń qorytyndylarǵa qol jetkizildi. Máselen, 2012 jyldan bastap 30 mınýttan kún saıyn dene jattyǵýymen shuǵyldanatyndar sany artyp, 3 jylda 30-dan 41,6-ǵa paıyzǵa  ósken. Temeki shegetinder sany byltyr  24-ten 23,7 paıyzǵa tómendegen. Ishimdikke salynǵandar sany sońǵy 3 jylda 14-ten 12,8 paıyzǵa azaıǵan. 

Sonymen qatar, Elbasy Qazaqstan medısınalyq týrızm boıynsha Eýrazııa elderiniń ishinde aldyńǵylar qatarynda damıtynyna senim bildirip otyr. Oǵan tolyq negiz bar dep oılaımyn. О́ıtkeni, Memleket basshysynyń udaıy qoldaý kórsetýiniń nátıjesinde elimizde medısınalyq keremet klasterler qolǵa alyndy. Qazirgi kezde Qazaqstanda zamanaýı úlgidegi halyqaralyq standartqa saı salynyp, sońǵy úzdik tehnologııa qurylǵylarmen jaraqtanyp, jańa ınnovasııalyq baǵytta jumys jasap jatqan klınıkalarymyz qanshama. Ásirese, transplantologııa salasyndaǵy jetistigimiz qarqyndap damýda.  

Elbasynyń dástúrli Joldaýy densaýlyq saqtaý, bilim berý salasy qyzmetkerlerine qýanyshty habar syılady. О́ıtkeni, keler jyldan bastap, elimizdegi dárigerlerdiń jalaqysy 28 paıyzǵa kóbeımek. Eger halyq­tyń saýlyǵy – qoǵamnyń eń basty qun­dylyqtarynyń biri desek,  osy eldiń baǵa jetpes ıgiligi úshin kúndiz-túni densaýlyq kúzetinde júrgen medısına qaýymynyń eńbeginiń elenip, baǵalanyp jatýy – bizderdi jańa bıikterdi baǵyndyrýǵa, alǵa qoıǵan mindetterdi oryndaý jolynda ynta-jiger, qajyr-qaırat qosatynyna kámil senemiz.

Janat QASYMJANOVA,

Almaty qalacy densaýlyq

saqtaý basqarmasynyń basshysy.