QR Ishki ister mınıstrligi Ákimshilik polısııa komıteti tóraǵasynyń orynbasary Jandos Muratalıev onlaın-brıfıngte respýblıka joldarynda kámeletke tolmaǵandardyń kinásinen 1600-den astam jol-kólik oqıǵasy tirkelgendigin aıtty, dep jazady Egemen.kz.
Onyń aıtýynsha, balalardyń jolaýshy ǵana emes, jaıaý júrginshi ekenin de eskerý qajet.
Bul rette jaıaý júrginshilerdiń kinásinen bolatyn jazataıym oqıǵalardyń negizgi sebepteri joldyń júrý bóligin belgisiz jerde kesip ótý, tyıym salynǵan baǵdarshammen ótý, jaqyn mańdaǵy kóliktiń aldyn oraǵytý ekeni belgili.
Máselen, kámeletke tolmaǵandardyń kinásinen aǵymdaǵy jyldyń 7 aıynda 60-tan astam jol-kólik oqıǵasy tirkeldi, onda 5 adam qaza taýyp, 70 kámeletke tolmaǵan bala túrli dene jaraqatyn aldy.
Jalpy esepti kezeńde elimizdiń joldarynda kámeletke tolmaǵandardyń kinásinen 1621 jol-kólik oqıǵasy tirkeldi, onda 90 bala qaıtys boldy, 1860 adam jaraqat aldy.