Ekinshi kezeńniń ereksheligi nede?

Prezıdenttik jastar kadr­lyq rezerviniń ulttyq komıs­sııasy bekitken josparǵa sáı­kes ­ekinshi kezeń rezervterin irik­teý 1 qyrkúıekten bastalyp, nıet bildirgen jastardan qu­jat­tar qabyldaý aıdyń aıa­ǵyna deıin jalǵasady. Qujat­tar­dy qabyldaý jáne áleý­etti rezervshilerdi irikteý ma­man­dandyrylǵan onlaın platfor­mada júrgiziledi. Irikteý nátı­jesinde memlekettik sektor úshin 50 jas rezervshi tańdap alynbaq.

Brıfıng barysynda agentttik basshysy kandıdattarǵa qoıy­latyn negizgi talaptardyń óz­gerissiz qalǵanyn aıtyp ótti.

«Kandıdattarǵa qoıylatyn negizgi talaptar burynǵydaı. Iаǵnı kadr rezervine úmitkerler Qazaqstan azamaty bolýy tıis, jasy 35-ten aspaýy kerek, joǵary bilimi bar jáne eńbek óti­li 5 jyldan kem bolmaýy qajet. Bul jolǵy úmitkerlerdiń bilimi men daǵdydan bólek, qoǵamdaǵy máse­le­lerden habardar bolyp, ony sheshýge qyzy­ǵýshylyq tanytýy joǵary baǵa­lanady», degen spıker irik­teý kezinde kan­dı­dat­tarǵa qosym­sha arnaıy tap­syrmalar beri­lip, sol arqyly olar­dyń bi­lim-biliktiligi jańasha baǵala­na­tynyn  habarlady. Bul jolǵy irik­teýdiń aldyńǵysynan basty aıyrmashylyǵy da – osynda. Irik­teý kezeńderinde kandı­dat­tardyń shynaıy ýájderi men olardyń qundylyq baǵdarlaryn baǵalaýǵa basymdyq beriledi.

Spıker irikteý barysynda úmit­kerlerdiń kúrdeli mátindik, sandyq aqparatpen jumys isteý qabileti, ahýaldyq esepter tú­rin­de jasalǵan naqty máse­lelerdi sheshý biliktiligi sarapqa salynatynyn atap ótti.

«Budan bólek, kandı­dat­tar­dyń assesment ortalyq arqy­ly strategııalyq oılaý, proak­tıv­tilik, qyzmetti basqarý, ko­man­da­lyq kóshbasshylyq, senim­dilik sııaq­­ty jańa formasııadaǵy kósh­­bas­­shylarǵa tán quzyretteri anyq­­talyp, baǵalanady», dep atap ótti agenttik bas­shy­sy.

Sonymen qatar Prezıdent ta­ǵaı­yndaǵan laýazym ıeleri, saıası memlekettik qyzmetshiler, ákimshilik memlekettik qyzmet­shiler, «A» korpýsy jáne Pre­zı­­denttik jastar kadrlyq rezer­vindegi adamdar irikteýge qaty­sa almaıdy. Prezıdenttik rezerv­ten ártúrli memlekettik laýazym­darǵa, ákimshilik laýazym­darǵa, «A» korpýsyna jáne «B» kor­pýsynyń basshy laýa­zym­daryna taǵaıyndaý qaras­tyrylǵan.

A.Jaıylǵanovanyń habarlaýynsha, irikteýden ótkender Prezıdenttik jastar kadrlyq rezervinde 3 jylǵa deıin bola alady. Sonymen qatar irikteýden ótken mamandar memlekettik qyz­metke zań aıasynda saılanady, nemese taǵaıyndalady. «Eger kez kelgen memlekettik qyzmetke jastar kadrlyq rezervinde joq mamannyń kandıtatýrasy kelip tursa, ol qyzmetke jastar kadr­lyq rezervindegi mamandy ta­ǵa­ıyndaý mindetti emes», dedi ol.

Bıylǵy irikteýge engizilgen jańa talaptyń taǵy biri – Pre­zıdenttik jastar kadr­lyq rezer­vine úmitkerler mem­le­kettik tildi bilýi kerek. Sol sebepti de ekin­shi irikteý kezeń­inde olar­dan qazaq tilin bilý deń­geıin ras­taıtyn qujat talap etiledi. Irik­teýge engizilgen bul jańa­shyl­dyq jóninde Prezıdent janyn­daǵy Memlekettik basqarý akade­mııa­synyń rektory Erlan Ábil jan-jaqty túsindirip ótti.

«Qaztest oflaın formatta ótýdi qajet etse, Qazaq Resmi Test-ti úmitkerler ózderine yń­ǵaı­ly ýaqytta onlaın tapsyra ala­dy. Ol úshin veb-kamerasy, mık­ro­fony jáne ınterneti bar ko­mpıýter bolýy kerek. Úmitker­ler memlekettik basqarý akade­mııa­synda Qazaq Resmi Test-ti tap­syrýǵa baǵyttalǵan arnaıy daıyndyq kýrsynan da óte alady», dedi  E.Ábil.

Búginde Prezıdenttik jastar kadrlyq rezervine múshe 300 jastyń 184-i jaýapty qyzmetke or­nalasqan. Rezervshilerdiń qal­­ǵan­dary bıznes salasynda, kva­zımemlekettik sektorda ju­mys isteıdi.