Tálipterdiń qolyna kóshken Kabýldaǵy áýejaı AQSh pen Ulybrıtanııa sarbazdarynyń baqylaýynda, dep habarlaıdy Egemen.kz Habar 24-ke silteme jasap.
Áýe aılaǵy sheteldikter men shetelde saıası baspana alǵan jergilikti turǵyndardy evakýasııalaý úshin qoldanylyp jatyr. Biraq tálipterden qashqan adamdar qarasy qalyń.
AQSh jýyq arada ol jerge taǵy 500 áskerin attandyrmaq. Qazir onda 2,5 myń amerıkalyq sarbaz bar. Áýejaıdaǵy ásker sanyn 6 myńǵa jetkizýdi josparlap otyr.
Kabýldaǵy áýejaıdy AQSh-tan bólek Ulybrıtanııanyń 700 jaýyngeri baqylap tur. Sonymen qatar Fransııa tarapy da adamdardy kóshirý úshin arnaıy jasaǵyn jiberetinin málimdedi. Al buqaralyq aqparat quraldary Kabýldyń ózinde jaǵdaı turaqty ekenin habarlaıdy. «Talıban» radıkaldy qozǵalysy eldegi barlyq adamdardy esh alańsyz jumysqa shyǵýǵa shaqyrǵan. Bul týraly Katardaǵy tálipterdiń ókili málimdedi. Onyń aıtýynsha, turǵyndar burynǵy úkimetke qyzmet etkeni úshin qoryqpaı jumysqa orala alady. Biraq áıelder hıdjab kıip júrýi tıis deıdi.