AQSh prezıdenti Barak Obama arnaıy qyzmet ókilettiligin qaıta qarastyryp, oǵan keıbir shekteýler qoıýdy uıǵardy. Bul týraly 24.kz habarlady.
AQSh-tyń ádilet mınıstrligi aldynda ondaǵan adam ulttyq qaýipsizdik agenttiginiń tyńshylyq áreketterine shek qoıýdy talap etip, narazylyq aksııasyn uıymdastyrǵan bolatyn. Azamattardyń joǵalǵan senimin qaıtarý maqsatynda memleket basshysy bul másele boıynsha biraz túzetý engizýdi jón kórgen sekildi. Osy oraıda, Barak Obama ulttyq qaipsizdik agenttigi reformasynyń negizgi erejelerin jarııa etti. Atap aıtqanda, prezıdent AQSh-pen dostyq qarym-qatynastaǵy memleket basshylaryn baqylaýǵa tyıym salyp otyr. Sondaı-aq qujattaǵy negizgi ózgeristerdiń biri telefon tyńshylyǵyna qatysty boldy. Máselen, arnaıy qyzmet ókilderi qarapaıym azamattardyń telefonyn tyńdamas buryn endi sot jarlyǵyn alyp otyratyn boldy. Degenmen, kópshiliktiń oıynsha, bul tek sóz júzinde ǵana iske aspaq. Olar arnaıy qyzmettiń tyńshylyq áreketi jýyq arada tyıylmaıdy dep úreılenýde.
«Barlaý qyzmeti ózge elder bıliginiń maqsat-nıetteri jaıly aqparat jınap otyrýyn jalǵastyrady. Biraq, bizben tyǵyz qyzmet etetin memleketterdiń bıligi men basshylary ol úshin alańdamasa bolady. AQSh olarǵa seriktes retinde qarap, senim bildiredi», – deıdi Barak Obama.
Aıdar О́risbaev.
Derekkóz: 24.kz
Foto: Mk.ru