Oral qalasynda eki jeńil kólik bir-birine soǵylyp, 5 adam zardap shekti, dep habarlaıdy Egemen.kz oblystyq densaýlyq saqtaý basqarmasynyń baspasóz qyzmetine silteme jasap.
Jol apaty 17 tamyz kúni saǵat 08.00-de Jelaev jolynda bolǵan. «VAZ-2112» jáne «Lada Granta» avtokólikteri soqtyǵysty.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jol apaty saldarynan 5 adam zardap shekti. Jeńil dene jaraqatyn alǵan 11 jastaǵy qyz, 24 jáne 27 jastaǵy jigitter oblystyq aýrýhanaǵa jetkizildi. Dárigerler tıisti kómek kórsetip, ambýlatorııaǵa jiberdi. 13 jastaǵy qyz bala oblystyq kópbeıindi balalar aýrýhanasyna jetkizildi. 44 jastaǵy áıel bas pen mıdyń jabyq jaraqatyn alyp, tobyǵy synǵan. Ol oblystyq aýrýhananyń travmatologııa bólimshesine jatqyzyldy. Jaǵdaıy ortasha aýyr.
Túske qaraı jol apatynyń taǵy bir oqıǵasy anyqtaldy. Saǵat 10.56-da Abaı jáne N.Nazarbaev dańǵyldarynyń qıylysynda №2 baǵytpen kele jatqan «MAZ» avtobýsy burylý kezinde «Aýdı» avtokóligine soǵyldy.
20 jastaǵy «Aýdı» júrgizýshi qarsy baǵytta kele jatqan. Saldarynan avtobýs jolaýshysy jeńil jaraqat alyp, oblystyq aýrýhanaǵa jetkizildi.
Atalǵan fakti boıynsha QR Ákimshilik quqyqbuzýshylyq kodeksi 610-babyna sáıkes hattama toltyryldy.