13-15 tamyz kúnderi Býdapesht mańyndaǵy Býgas qalashyǵynda túrki-ǵun mádenıeti men dástúrin jańǵyrtýǵa baǵyttalǵan dástúrli «Babalar kúni» sharasy ótti, dep habarlaıdy Egemen.kz QazAqparatqa silteme jasap.
2011 jyldan beri ótkizilip kele jatqan sharanyń uıymdastyrýshysy – «Majar-Turan» qory. Oǵan Majarstan, Mońǵolııa, Túrkııa, Ázerbaıjan, Ýkraına, Aýstrııa, Germanııa, Serbııada turyp jatqan túrki halyqtary qatysady.
Shara erte túrki-ǵun mádenıeti men dástúrin jańǵyrtýǵa baǵyttalǵan.
Qazaqstan elshiliginiń birinshi hatshysy Edil Myrzahanovtyń aıtýynsha, júz myńnan astam adamnyń basyn qosatyn «Babalar kúni» – eki el arasyndaǵy mádenı, ǵylymı yntymaqtastyqty damytýǵa, baýyrlas halyqtardyń birligin nyǵaıtýǵa yqpal etedi.
Aıtýly sharada álemniń eń úzdik sadaqshylary óner kórsetip, ıt júgirtip, qus salý syndy saıatshylyq dástúr dáripteldi.
Shara barysynda álemdegi eń úlken kıiz úı «Edil qaǵan» shatyry tigildi. Onyń ishinde majar ǵalymdarynyń ǵun men avar murasyn usynatyn arheologııalyq, antropologııalyq eńbegi kópshilik nazaryna usynyldy.
Túrki halyqtarynyń áýeni shyrqalyp, konsert qoıyldy.