Soltústik Qazaqstan oblysynda alıment tólmegenderge zańdy jaza taǵaıyndalady, dep habarlaıdy Egemen.kz.
SQO ádilet departamentiniń bólim basshysy Aqlıma Bekenovanyń aıtýynsha, óńirde byltyr alıment tóleýden qashyp júrgen boryshkerlerdiń sany 771 bolsa, bıyl 243 adamǵa deıin azaıǵan. Sáıkesinshe azamattardyń bereshegi 1 mlrd teńgeden 400 mln teńgege deıin kemigen.
Zań aıasynda 73 boryshker ýaqytsha júrgizýshi kýáliginen aıyrylyp, 68 boryshker ákimshilik jaýapkershilikke tartylǵan. Onyń 29-y qamaýǵa alynsa, 39-yna aıyppul salyndy.
149 adamnyń isi qylmystyq is qozǵaý úshin ishki ister organdaryna jiberildi. Alaıda onyń 45-i ǵana Sotqa deıingi tergep-tekserýlerdiń biryńǵaı tizilimine engizildi. 16 qylmystyq is taraptardyń mámilege kelýine baılanysty toqtatylsa, 3 boryshker sottaldy.
Al jumyssyz júrgenderdiń balalaryna alıment tóleýge múmkindigi bolýy úshin sot oryndaýshylarynyń óńirlik palatasy qalalyq jáne aýdandyq jumyspen qamtý bólimderimen birge «Bos oryndar jármeńkesin» toqsan saıyn ótkizip turady. Oǵan 23 boryshker qatysyp, 6-ýy jumysqa ornalasty.