Qazgıdromet RMK sınoptıkteri 19-21 tamyzǵa arnalǵan aýa raıy boljamyn usyndy, dep habarlaıdy Egemen.kz.
Mamandardyń aıtýynsha, respýblıkada qalypty aýa raıy kútiledi. Antısıklon áserinen Qazaqstannyń búkil aýmaǵynda jaýyn-shashynsyz aýa raıy ornaıdy.
«Tek shyǵys pen ońtústik-shyǵystan frontal bólikter ótýine baılanysty ótkinshi jańbyr jaýyp, naızaǵaı oınap, burshaq jaýady jáne ekpindi jel soǵady. Aýa temperatýrasy kúndiz soltústikte 23-30 gradýs, ońtústik pen ońtústik-shyǵysta 25-40 gradýs, ortalyq pen shyǵysta 17-35 gradýsqa deıin kóteriledi», delingen habarlamada.
Qazaqstannyń batysynda ystyq aýa raıy saqtalady, aýa temperatýrasy 32-41 gradýs bolady.