BAÁ Syrtqy ister mınıstrligi Aýǵanstan prezıdenti Ashraf Ǵanıdiń otbasymen birge elde ekenin rastady, dep habarlaıdy Egemen.kz RIA Novostıge silteme jasap.
«Birikken Arab Ámirlikteriniń Syrtqy ister jáne halyqaralyq yntymaqtastyq mınıstrligi BAÁ Prezıdent Ashraf Ǵanı men onyń otbasyn gýmanıtarlyq negizde qabyldaǵanyn rastady», delingen habarlamada.
Eske sala ketsek, 15 tamyzda «Talıban» sodyrlary Kabýlǵa kirip, elde bılik alǵanyn málimdedi. Úkimettiń bir bóligi men Prezıdent Ashraf Ǵanı Aýǵanstan aýmaǵynan ketýge májbúr boldy.
Buǵan deıin Aýǵanstan bıligine jaqyn derekkóz agenttikke jeksenbide elden ketken aýǵan Prezıdenti Ashraf Ǵanı Oman Sultandyǵynda ekenin aıtqan. Ǵanıdiń Qazaqstanda, О́zbekstanda jáne Tájikstanda bolýy týraly habarlardy memleket bıligi resmı túrde joqqa shyǵardy.