Bul týraly Bilim jáne ǵylym mınıstri Ashat Aımaǵambetov tamyz konferensııasynyń plenarlyq sessııasynda habarlady. Onyń aıtýynsha, atalǵan belginiń ıegeri atanýǵa úmitkerlerge talaptar ári qaraı kúsheıtile túspek, dep jazady Egemen.kz BAQ.KZ-ke silteme jasap.
Mınıstr talaptardyń ózgerýi jyl saıyn satylap kezeń-kezeńmen ózgertilip jatqanyn alǵa tartty.
«Biz muny jyl saıyn satylap kezeń-kezeńmen ózgertip jatyrmyz. О́zderińiz bilesizder, aldyńǵy jyly da bul máseleni kóterdik. Biraz ózgerister engizdik. Bıyl – ekinshi kezeń. Ekinshi kezeń degenimiz – jyldyq bes baǵamen qatar, úmitkerlerdiń 5-11 synyptardaǵy baǵa barlyq toqsandyq baǵalarda 5 bolýy kerek degen qaǵıda engiziledi», dedi vedomstvo basshysy.
Sondaı-aq ol tek bestik degen baǵa alǵan oqýshylardyń ǵana «Altyn belgige» usynylýy týraly qaǵıdany óte mańyzdy dep sanaıtynyn aıtty.
«Men óz basym bul óte mańyzdy qaǵıda dep sanaımyn. Sol úshin osy sheshimdi qabyldap otyrmyz. Túlekter úshin emtıhandy táýelsiz uıym ótkizetin bolady. Bul reforma oń nátıjesin beredi dep senemin», deıdi Bilim jáne ǵylym mınıstri.