Qasym-Jomart Toqaev Danıal Ahmetovtiń aımaqtyń áleýmettik-ekonomıkalyq jaǵdaıy týraly esebin tyńdady, dep habarlaıdy Egemen.kz Aqordaǵa silteme jasap.
Oblys ákiminiń aıtýynsha, fızıkalyq ósim ındeksi 5 paıyzǵa jetse, negizgi kapıtalǵa salynǵan ınvestısııa 5 paıyzdan asqan. Aýyl sharýashylyǵy men qurylys salalarynda da edáýir ósim baıqalady.
Kezdesýde ekonomıkany odan ári damytý perspektıvalary talqylandy. Atap aıtqanda, óndiris qarqynyn eki ese arttyrýǵa múmkindik beretin «Aqtoǵaı» metallýrgııa kesheniniń ekinshi kezegin aıaqtaý máselesi sóz boldy.
Sonymen qatar Prezıdentke óńirdegi bilim berý nysandaryn dástúrli formatqa kóshirýge daıyndyq jumystary týraly aqparat berildi. Bilim berý salasynyń qyzmetkerleri túgeldeı derlik vaksına saldyrǵan. Jalpy, oblysta kúnine 10 myń adamǵa vaksına salynady. Negizgi kontıngentke qyrkúıek aıynyń sońyna deıin vaksınanyń birinshi komponenti, al qazan aıynyń sońyna deıin ekinshi komponenti salynady.
Jalpy 747 myń adamǵa ekpe salý josparlanǵan. Danıal Ahmetov Memleket basshysyn buqaralyq sportty damytý jóninde bergen tapsyrmalarynyń oryndalý barysy týraly da habardar etti. Mekteptegi sportty damytýǵa qosymsha 890 mıllıon teńge bólingen. Búginde mektep oqýshylarynyń 50 paıyzdan astamynyń sportpen shuǵyldanýǵa múmkindigi bar.
Bıyl taǵy 15 iri sport nysanynyń qurylysyn aıaqtaý josparlanǵan. Qasym-Jomart Toqaev memlekettik áleýmettik mindettemelerdi oryndaý mańyzdy ekenin atap ótip, óńirdegi kópbalaly jáne az qamtylǵan otbasylarǵa úzdiksiz kómek kórsetýdi tapsyrdy.